Naýryzbaı qajy Taǵanuly Ońtústik Sýdan ıslam keńesiniń bas hatshysymen kezdesti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasynyń astanasy Kaır qalasynda ótip jatqan «Dinder men mádenıetter arasyndaǵy dıalog» atty Islam isteri jónindegi Joǵary keńestiń 31-inshi halyqaralyq konferentsııasy aıasynda Ońtústik Sýdan Islam keńesiniń Bas hatshysy Abdolla Býrýjben kezdesti.
Basqosýǵa Qazaqstannyń Mysyr Arab Respýblıkasyndaǵy Tótenshe jáne Ókiletti elshisi Qaırat Lama Sharıf qatysty. Kezdesýde ekijaqty áriptestik baılanysty arttyrý máselesi talqylandy.
Sonymen qatar dinder men mádenıetter arasyndaǵy dıalogty damytýdyń, musylman úmbetiniń ózara birligin nyǵaıta túsýdiń mańyzdylyǵy sóz boldy. Basqosý barysynda taraptar din salasyndaǵy ortaq jobalardy júzege asyrýǵa ýaǵdalasty.
