Naýryzbaı qajy Taǵanuly Qordaıdaǵy Qarılar daıyndaıtyn ortalyqtyń jaı-kúıimen tanysty (FOTO)
Qordaıdaǵy sapary barysynda Bas múftı Naýryzbaı qajy Taǵanuly taǵy bir mańyzdy ortalyqtyń jaı-kúıimen tanysty.
Bul joly Dinı basqarma tóraǵasy «Qordaı» Quran qarılaryn daıyndaý ortalyǵyna keldi. Jaqynda ǵana dırektor bop taǵaıyndalǵan Ǵalymjan Shaıahmetov Bas múftıge atqarylyp jatqan jumystar jaıly esep berdi. «Qazirgi ýaqytta saqtyq sharalaryna baılanysty shákirtter qashyqtan oqyp jatyr. Kitaphana qory jetkilikti. Shákirtterge qamqorlyq tolyǵymen jasalǵan» dep atap ótti mekeme dırektory. Bilim ordasynyń jaı-kúıine qanyqqan Bas múftı oqý josparymen tanysyp, birneshe mańyzdy jaıttarǵa toqtaldy.
«Otandy súıý – ımannan» degen. Mundaǵy árbir shákirt eń aldymen osy eldiń azamaty. Týǵan jerge, ana tilge degen qurmeti joǵary bolý kerek. Dinı basqarmanyń taǵy bir baǵyty eldi dinı saýattandyrý. Dástúrli ıslam negizinde bilim berý. Rýhanı qundylyqtardy qurmetteýge úıretý. Qazirgi ýaqyttyń talabyna saı oqý protsesteri, sabaqtardyń qurylymy ózgerdi. Osyndaǵy shákirt Qurandy jattap qana qoımaı, jan-jaqty bilim alýy tıis. Bizge qajeti ámbebap maman. Sondyqtan Qazaqstan deıtin bir ǵana Otanymyzdy qurmetteıtin, onyń salt-dástúrin syılaıtyn urpaqtyń qalyptasýy jolynda eńbek etýge tıissizder», – dedi Naýryzbaı qajy Taǵanuly.
Shaǵyn quramda ótken kezdesýden soń Bas múftı oblys ımamymen birge nysandy aralap shyqty. Shara sońynda QMDB tóraǵasy birqatar naqty tapsyrmalar berdi.
