Naýryzbaı qajy Taǵanuly Quran jarysynyń jeńimpazdaryn marapattady (FOTO)
Búgin Bas múftı Naýryzbaı qajy Taǵanuly Atyraý qalasynda áıel-qyzdar arasynda ótken Quran jarysynyń jeńimpazdaryn arnaıy quttyqtap, marapattady.
Marapattaý rásiminde Bas múftı Naýryzbaı qajy Taǵanuly: «Quran oqylǵan, oǵan amal etilgen úıde, jerde, elde tynyshtyq ornaıdy, Allanyń bereketi bolady. Paıǵambarymyzdyń (oǵan Allanyń salaýaty men sálemi bolsyn) hadısinde: «Úılerińizde Quran Kárimdi kóp oqyńyzdar» degen. Sizder úılerińizde kóp Quran oqyp, jaqsylyqqa sebepshi bolyńyzdar», – dedi.
Jarys nátıjesi boıynsha birinshi oryn (200 myń teńge) Gúlderaı Omarovaǵa buıyrdy. Perızat Erkinbaı ekinshi (150 myń teńge), Ozoda Hýsınova úshinshi orynǵa (100 myń teńge) ıe boldy.
Saıysqa barlyǵy 15 úmitker qatysty. Olardyń eń kishisi – 10 jasta, al egdesi – 40 jasta.
