Naýryzbaı qajy Taǵanuly Qyrǵyzstan múftıimen ortaq máseleni talqylady (FOTO)

Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Qyrǵyzstan múftıi Zamır Sheıshenbekulymen kezdesip, ortaq máseleni talqylady.

Kezdesýde ekijaqty baılanysty arttyrý, ortaq pátýa qabyldaý, musylman merekelerin bir kúnge belgileý, sharıǵat jáne pátýa salasy boıynsha yntymaqtastyqty nyǵaıtý syndy máseleler sóz boldy.

Naýryzbaı qajy Taǵanuly Zamır Sheıshenbekulyn Qyrǵyzstan múftıi laýazymyna qaıta saılanýymen quttyqtap, ıgi tilegin jetkizdi. Óz kezeginde Zamır Sheıshenbekuly Osh qalasynda ótken halyqaralyq ǵylymı-praktıkalyq konferentsııada mazmundy baıandama jasaǵan Naýryzbaı qajy Taǵanulyna alǵysyn bildirip, rızashylyq nıetin jetkizdi.

Basqosý sońynda taraptar Qazaqstan jáne Qyrǵyzstan musylmandary dinı basqarmalary arasynda ekijaqty yntymaqtastyqty arttyrýǵa arnalǵan memorandým qabyldaýǵa ýaǵdalasty.

​