Bas meshit qyzmetkerleri senbilikke shyqty (FOTO)
Búgin Astana qalasyndaǵy respýblıkalyq «Áziret Sultan» meshitiniń ujymy senbilikke shyǵyp, qulshylyq ordasy aýmaǵynda tazalyq jumystaryn júrgizdi. Jalpy aýmaǵy 17 gektar bolatyn Bas meshittiń aınalasy túgeldeı retke keltirilip, qulshylyq ordasynyń ishi de muntazdaı qalypqa endi. Tipti, meshittiń kólik turaǵy da kir-qoqystan arylyp, qulshylyq ordasynyń syrtqy sáýleti burynǵydan da kóriktene tústi.
Aıta keterligi, elimizdiń Bas meshiti – tazalyq pen tártiptiń jarqyn úlgisine aınalǵan qulshylyq ordalarynyń biregeıi. «Astana tazalyq» kompanııasy qyzmetkerleriniń arqasynda alyp meshit aýmaǵy qashanda aınadaı jaltyryp, muntazdaı bolyp turady. Sonda senbi kúnin tıimdi paıdalanýdy jón sanaǵan meshit qyzmetkerleri ujym bolyp tazalyq jumystaryn júrgizip, meshit aınalasyn abattandyrýǵa atsalysyp qaıtty.
