«Nur Astana» meshiti kúrdeli jóndeýden ótti (FOTO)
Elordadaǵy «Nur Astana» meshitiniń shatyry, munarasy men qabyrǵalaryna kúrdeli jóndeý jumystary júrgizilgen edi. Karantın kezinde toqtap qalǵan jóndeý jumysy demeýshiler men janashyr azamattardyń qoldaýymen qarqyn aldy.
Qazir qulshylyq úıiniń syrty men aýlasy jańasha túrlenip, kórkeıe tústi jáne jańa dybys kúsheıtkishtermen (kolonka) jabdyqtaldy. Odan bólek «Nur Astana» meshitine qarasty oqý ǵımarattary men qasaphananyń da ishi-syrty tolyqtaı jańartyldy.
Sondaı-aq, jamaǵatqa adal as ishýge múmkindik jasalyp, meshit janynan QMDB halal sertıfıkatymen jumys isteıtin «Mumtaz» ashanasy ashyldy.
– Quranda Alla Taǵala: «Rasynda, Allanyń meshitterin Allaǵa jáne aqyret kúnine ıman keltirgen, sondaı-aq namaz oqyp, zeket bergen jáne tek Alladan qorqatyn (pende) ǵana turǵyzady. Mine, olar shyn máninde týra jol tapqandar» dep, qulshylyq úıin saldyrýshylar men qurylysyna demeý kórsetýshilerdi súıinshileıdi. Biz de «Nur Astana» meshitiniń ákimshiligi men ujymynyń atynan qoldaý kórsetken barsha atymtaı jomarttarǵa alǵys bildiremiz, - deıdi meshit qyzmetkerleri.
