Nur-Múbarak: Stýdentterge taım-menedjmenttiń syryn ashty
«Ýaqyt qylysh sııaqty, sen ony kespeseń, ol seni kesedi...» degen sóz qazirgi kezeńde tipti ózekti. Sebebi barlyǵy mobıldi jyldamdyqta bolǵandyqtan, sál múdirgen adamnyń kóshke ilesip otyrýy qıynǵa soqpaq. Ári zertteýshiler de ýaqyttyń jyldamdaǵanyn alǵa tartýda.
Al bilim alý jolyna túsken jastar úshin ýaqytty ózderine «baǵyndyryp-baǵyndyrmaǵany» erteńgi qandaı ilim ıesi bolǵanymen anyq baıqalmaq. Sondyqtan Nur-Múbarak ýnıversıteti birinshi kýrs stýdentterine bilimdi barynsha ıgerip qalýdyń tıimdi joldaryn usynyp keledi.
«Stýdenttiń taım-menedjmenti: bolashaq ıslamtanýshy mamannyń oqý protsesin uıymdastyrýy» ýaqytty únemdeý jaıly trenıngi josparly mezetten de asyp jyǵyldy. Sebebi stýdentter úshin tájirıbeli «burynǵy» stýdenttiń «az ýaqytta» birneshe tildi meńgergen búgingi PhD doktorant ári oqytýshyǵa aınalýynyń ózi kóp maǵlumat bergendeı, saýaldary týyndap jatty. Islamtaný kafedrasynyń oqytýshysy, ıslamtanýshy Ábilqaıyr Mádıuly taım-menedjment dárisinde ǵulamalar ómirlerinen mysaldar keltirip, búgingi «qaptap ketken trenınterde» aıtyla bermeıtin qundy málimettermen bólisti. Ábilqaıyr Jumataev sonymen birge jaqsy ádet qalyptastyrýdyń da joldaryn birinshi kýrs stýdentterine jaıyp saldy.
Tárbıe jáne áleýmettik damý departamentiniń uıymdastyrýymen karantın sharalaryna saı ótken bul qundy dáriske qatysa almaǵan ózge de stýdentter trenıngtiń taǵy ótýine emeýrin tanytty.
