Oqytýshylar jańa tehnologııany meńgere bastady (FOTO)

Nur-Múbarak ýnıversıtetinde joǵary sapaly bilim berý úshin birneshe jańartylǵan aýdıtorııaǵa ınteraktıvti dıspleıler ornatylyp, myń qyrly sıqyrly «taqtanyń» tilin meńgerý úshin oqytýshylarǵa qosymsha bilim berilýde.

Interaktıvti dıspleı – san túrli qyzmettik tetigi bar arnaıy baǵdarlamamen qamtamasyz etilgen «taqta». Ony notbýk, kompıýterler, smartfon arqyly da basqarýǵa bolady. Baǵasy arzan emes ári tehnologııa bilim berýde taptyrmaıtyn jańalyq deýge bolady.

Ǵalamtormen ǵana shektelmeı, túrli avtorlyq jobalar men jeke shyǵarmashylyq nátıjelerin qoldanýǵa múmkindik mol.  Bilim berý salasynda 30 jyldyq tájirıbesi bar kompanııanyń jańa ónimi 50 000 saǵat, ıaǵnı 5 jyl úzdiksiz qyzmet etýge mejelengen.

Jańa tehnologııanyń tilin úıretýge kelgen kompanııa ókili Nur-Múbarak ýnıversıtetiniń oqytýshy-professorlaryna jan-jaqty túsindirip, olar da óz saýalyna jaýap alýda. Eger túıtkilder týyndasa, dáris aldaǵy ýaqytta da jalǵasyn tappaq. Osylaısha oqytýshylar ujymy jańa oqý semestrine úlken daıyndyqpen kirispek.