«Oral» medrese-kolledjiniń dırektory taǵaıyndaldy (FOTO)
QMDB Tóraǵasy, Bas múftı Naýryzbaı qajy Taǵanulynyń buıryǵymen Baqytjan Quralbaıuly BQO ókildigi men Oral ortalyq meshitiniń bas ımamy qyzmetin saqtaı otyryp, «Oral» medrese-kolledjine dırektor bolyp taǵaıyndaldy.
Bilim ordasynyń jańa basshysyn ustazdar men shákirtterge QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov tanystyrdy.
Aqjaıyq óńirinde birneshe jyldan beri qyzmet atqaryp kele jatqan Baqytjan Quralbaıulyna bul oqý ordasy tańsyq emes. Smaıyl Súıerqululy bilim jolynda da, eńbek jolynda da kórgen-túıgeni mol jańa basshy, medrese-kolledj jumysyna serpin berip, tyń bastamalarǵa sebepshi bolatynyna senim bildirdi.
Sondaı-aq bólim meńgerýshisi medreseniń tynys-tirshiligimen tanysyp, shákirttermen kezdesti.
