Orfografııalyq sózdik: Dinı termınderdiń ortaq júıesi qalyptasady (FOTO)
Óskemen qalasynda Bas múftı Naýryzbaı qajy Taǵanulynyń tóraǵalyǵymen ótip jatqan Ǵulamalar keńesiniń HHH májilisinde dinı orfografııalyq sózdik shyǵarý máselesi talqylanyp, osy baǵytta arnaıy daıyndalǵan kitaptyń jobasy pysyqtaldy.
Ǵulamalarǵa kitap jobasyn belgili ıslamtanýshy ǵalym, dinı baǵytta birneshe eńbektiń avtory, ǵylym kandıdaty Rashıd Muhıtdınov tanystyrdy.
«Aqparat quraldary men túrli kitaptarda dinı sózder men termınder ártúrli jazylady. Osy olqylyqtyń ornyn toltyrý maqsatynda arnaıy sózdik shyǵarýǵa sheshim qabyldadyq. Sózdiktiń jobasy daıyn. Alla buıyrsa, jýyq arada oqyrmanǵa jol tartady degen nıettemiz» dedi Bas múftı Naýryzbaı qajy Taǵanuly.
