Ortalyq Azııadaǵy eń úlken qus fabrıkasy sertıfıkattaldy (FOTO)
Qus etin óndirý boıynsha Ortalyq Azııadaǵy eń iri kásiporyn «Makınsk qusfabrıkasy» «QMDB halal» standarty boıynsha sertıfıkattaldy.
Sertıfıkat tabystaý rásimine «Aitas meat distribution» kompanııasynyń dırektory Qaırat Tasqalıuly, Bas múftıdiń keńesshisi Baltabaı Ýájıtuly jáne «Halal Damý» dırektory Aıbek Asqarbekuly qatysty.
Makınsk qusfabrıkasy – «Aitas» kompanııasynyń uzaqmerzimdi jospary negizinde qurylǵan, elimizdiń soltústigi Bulandy aýylynda ornalasqan kásiporyn. Jylyna 60 myń tonna qus etin óńdeýge qaýqarly qus fabrıkasynyń ónimderi otandyq naryqtyń 22%-yn qamtıdy. 1370 adamdy turaqty jumyspen qamtamasyz etip, 2030 jylǵa qaraı óndiris kólemin 350 myń tonnaǵa ósirý josparlanýda.
Makınsk qus fabrıkasynda ınkýbator, qus qorasy, broıler ýchaskesi, qus etin qaıta óńdeý zaýyty, kompost alańy, jem óndiretin tseh sekildi birneshe óndiris alańy bar.
Kásibı tehnolog jáne sharıǵat mamandarynyń qatysýymen osy óndiris alańdarynyń barlyǵynda baqylaý-qadaǵalaý sharalary júrgizildi. «Makınsk qusfabrıkasynda» qustyń jem-azyǵynan bastap, baýyzdaý, qus etin óńdeý, óndirý, daıyndaý, saqtaý, tasymaldaý protsessteriniń sharıǵat jáne halal standartqa sáıkes bolýy tekserildi.
Nátıjesinde «Kýs Vkýs» saýda belgisimen shyǵarylatyn 44 túrli ónim «Mal baýyzdaý jáne et óńdeý», «Halal ónimderdi óndirýge, óńdeýge, daıyndaýǵa, saqtaýǵa, tasymaldaýǵa jáne satýǵa qoıylatyn jalpy standarty» boıynsha sertıfıkattaldy.
