Óskemende ǵulamalar keńesi ótýde (FOTO)
Búgin Óskemen qalasynda D.Serikbaev atyndaǵy Shyǵys Qazaqstan tehnıkalyq ýnıversıtetinde Bas múftı Naýryzbaı qajy Taǵanulynyń tóraǵalyǵymen Ǵulamalar keńesiniń HHH májilisi bastaldy.
Májilis jumysyna keńes músheleri tolyq quramda qatysýda.
Keńestiń kezekti májilisin ashqan Bas múftı Naýryzbaı qajy Taǵanuly: «Ǵulamalar keńesi sharıǵat negizderine súıenip, musylman qaýymy arasynda týyndaǵan túıtkildi máselelerdi talqylap, der kezinde sheshim shyǵaryp, pátýa qabyldap keledi. Ǵulamalar keńesi osy ýaqytqa deıin 35 kontseptýaldy qujat qabyldap, sharıǵat aıasynda otbasy jáne neke máselesi, medıtsına, quqyq, qarjy, t.b. salalar boıynsha 100-ge jýyq pátýany bekitti. Sonymen qatar keńes jumysynda ózekti taqyryptardy qamtyǵan 8 kitapty talqylap, baspaǵa usyndy. Igi iske úles qosqan ǵulamalarǵa aıryqsha alǵysymdy bildiremin» dedi.
Aıta ketsek, Ǵulamalar keńesinde 1 kontseptýaldy qujat pen 2 ǵylymı joba talqylanýda. Sonymen qatar túrli taqyrypta jazylǵan 11 pátýanyń mazmuny qaralýda. Atap aıtqanda, nápaqa berýdiń úkimi, túsik quny týraly úkim, jasandy túsiktiń tólemi, jalǵa alǵan múlikti jalǵa berý úkimi, úı qustaryn mehanıkalyq apparatpen baýyzdaý úkimi, boza ishý úkimi, t.b. pátýalar mazmuny talqylanýda.
Keńes jumysy erteń de jalǵasady.
