Ózbekstan múftıi kóńil aıtý jedelhatyn joldady
Ózbekstan musylmandary dinı basqarmasynyń tóraǵasy Ýsmonhon Alımov shyǵystanýshy-ǵalym Ábsattar qajy Derbisáliniń qaıtys bolýyna baılanysty Qazaqstan musylmandaryn dinı basqarmasyna kóńil aıtý jedelhatyn joldady.
«Qazaqstannyń burynǵy bas múftıi, ǵalym aǵamyz Ábsattar qajynyń dúnıeden ótýine baılanysty onyń áýleti men otbasyna, barsha Qazaq eline Ózbekstan musylmandary jáne óz atymnan qaıǵyryp, kóńil aıtamyn. Ábsattar qajy sanaly ǵumyryn musylmandardyń birligine, Islam dininiń órkendep, ilim-bilimniń damýyna arnady. Kórshi otyrǵan eki eldiń tatýlyǵy men yntymaǵyna úles qosty. Sońynda qalyń eli, duǵa jasaıtyn urpaǵy men bilimdi shákirtteri, ǵylymı jáne ǵıbratqa toly eńbekteri qaldy. Alla Taǵala Ábsattar Baǵysbaıulynyń qysqa ǵumyrda jasaǵan barsha ıgi isterine mol saýaptan jazǵaı!» delingen kóńil aıtý jedelhatynda.
