Pátýaǵa jaýapty qyzmetkerlerdiń onlaın jıyny ótti (FOTO)
QMDB Sharıǵat jáne pátýa bóliminiń basshysy Sansyzbaı Qurbanuly bólim mamandary men qala jáne oblystardaǵy pátýaǵa jaýapty qyzmetkerlerdiń qatysýymen onlaın jıyn ótkizdi.
Jıynda otbasylyq quqyqqa (neke qııý, ajyrasý, nápaqa t.b) qatysty túsken máselelerdi sheshý joldary aıtyldy. Sondaı-aq aqpan aıynyń qorytyndy esebi tyńdalyp, dinı suraq-jaýap jumysyn uıymdastyrý jóninde qajetti nusqaýlar berildi. Dinı máselede saıtqa maqala jazýdyń bekitilgen tártibi men erejesi túsindirildi.
Sonymen qatar bıylǵy Ramazan aıynyń bastalýy, oraza tutý úkimderi, pitir sadaqa men pidııa mólsherin jáne altyn men kúmistiń nısabyn anyqtaý boıynsha mamandardyń pikirleri men usynystary tyńdaldy.
Jıyn sońynda Sansyzbaı Qurbanuly pátýaǵa jaýapty jergilikti mamandarǵa óz jumysyna tyńǵylyqty bolýdy, dinı suraqtarǵa ýaqytyly ári durys jaýap berýdi, adamnyń densaýlyǵyna, ómirine jáne mal-múlkine qatysty suraqtarǵa jaýapkershilikpen qaraýdy tapsyrdy.
