Pavlodarda taǵy bir kóp balaly otbasyǵa páter berildi (FOTO)
QMDB «Zeket» qorynyń aımaqtaǵy ókildikteriniń uıytqy bolýymen Pavlodar qalasyndaǵy qamqorshysyz qalǵan kóp balaly jalǵyzbasty anaǵa eki bólmeli páter kilti tabys etildi. Igi sharaǵa QMDB «Zeket» qorynyń dırektory Talǵat Omarov jáne qor qyzmetkerleri qatysty.
Jańa páterge ıe bolǵan Beısembenova Janardyń joldasy qaıtqanyna bir aı ǵana bolǵan, 4 qyzy bar, besinshi balasyna aıaǵy aýyr. Talǵat Seıitkárimuly jańa páter ıesi Janar Qabıdollaqyzyna jáne onyń týystaryna kóńil aıtty.
QMDB «Zeket» qorynyń dırektory kelesi kezekte «Máshhúr Júsip» meshitiniń aýlasynda áıel-qyzdar sektorynyń uıymdastyrýymen ótip jatqan «Qaıyrymdylyq jármeńkesiniń» jumysymen tanysyp, osy meshit aýlasynda jergilikti jamaǵat, kásipkerler arqyly uıymdastyrylǵan «Baryńmen bólis!» atty qaıyrymdylyq aktsııasyna qatysty. Bul aktsııa arqyly osy joly muqtaj bolǵan 100 otbasyna azyq-túlik paketteri jáne ártúrli kıim-keshekter úlestirildi.
Qasıetti juma kúngi juma namazyna dóp kelgen Talǵat Seıitkárimuly namazǵa jınalǵan myńdaǵan jamaǵat aldynda zeket paryzy týraly tolyq túsinik berip, alda zeketti Elektrondy onlaın túrinde qalaı óteý týraly arnaıy beınerolıkpen túsindirdi.
Shara sońynda Pavlodar turǵyndaryna jáne ıgi sharaǵa úles qosqan azamattarǵa alǵysyn bildirip, Pavlodar oblysyna qarasty qala, aýdan meshiti ımamdaryna, qaladaǵy belgili káspkerlermen kezdesý jasaǵan QMDB «Zeket» qorynyń dırektory olarǵa zeket paryzy, ony óteý joldary týraly keń kólemde áńgimelep, suraqtaryna jaýap berdi.
