Pitir sadaqasyn onlaın berýdiń ońtaıly joly usynyldy (FOTO)
Bul týraly elordada Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte Qazaqstan musylmandary dinı basqarmasynyń tóraǵasy Naýryzbaı qajy Taǵanuly málimdedi.
Bas múftı QMDB Ramazan aıynda aıtylatyn ýaǵyz-nasıhat, suraq-jaýap jumystaryn onlaın rejımde júrgizýdi jalǵastyratynyn, Quran hatym jasaý rásimderi de qashyqtan oqylatynyn habarlady.
«Biz Ramazanda bir aı boıy jalǵasatyn dinı dáristerdiń, qasıetti Qadir keshiniń, ulyq meıram – Oraza aıttyń onlaın baǵdarlamasyn daıyndap qoıdyq. Internet jelisi arqyly suraqqa jaýap alyp, onlaın nasıhat tyńdap, úıden shyqpaı saýapty amaldarǵa ortaqtasýǵa bolady. Biz qazirgi jaǵdaıdy eskerip, ótken jyly júzege asyrǵan jobamyz boıynsha pitir sadaqasy men zeketti onlaın rejımde berýdiń ońtaıly jolyn taǵy usynyp otyrmyz», - dedi Naýryzbaı qajy Taǵanuly.
