Qadir túni: «Áziret Sultan» meshitinde qarılarmen taǵylymdy suhbat ótti

Qadir túnine oraı uıymdastyrylǵan baǵdarlama aıasynda «Áziret Sultan» meshitinde ısi musylman qaýymy úshin rýhanı is-sharalar tań namazyna deıin jalǵasty.

Qasıetti túnde meshitke jınalǵan jamaǵatqa arnaıy mazmundy baǵdarlama usynylyp, Quran hatym duǵasy baǵyshtaldy. Sonymen qatar, áýezdi Quran oqylyp, taǵylymdy nasıhattar aıtyldy.

Astana qalasynyń Bas ımamy Erbolat Júsipov ramazan aıy boıy taraýyq namazyn júrgizgen qarılar — Álıhan Berden jáne Nurmuhammed Aıýbaımen jamaǵat aldynda arnaıy suhbat júrgizdi. Suhbat barysynda qarılar Quran oqý ádebi, Allanyń kálámin úırenýdiń mańyzy men syrlary jaıynda keńinen oı bólisti.

Источник: Aisha