QALA BAS IMAMY «ÚZDIK IMAM – 2026» SAIYSYNYŃ QATYSÝShYSYNA SÁTTILIK TILEDI
Astana qalasynyń bas ımamy Nurbek qajy Áýeshanuly Qazaqstan musylmandary dinı basqarmasy tarapynan bıyl ekinshi ret uıymdastyrylyp otyrǵan «Úzdik ımam – 2026» respýblıkalyq saıysyna elorda atynan qatysatyn din qyzmetkeri Ádilhan Orazdy qabyldady.
Kezdesý barysynda qala bas ımamy din qyzmetkerine saıysta bar bilimi men biliktiligin, tájirıbesi men qabiletin laıyqty tanytyp, elorda abyroıyn joǵary deńgeıde qorǵaýyna tilektestik bildirdi.
Sondaı-aq, Ádilhan Oraz «Áziret Sultan» meshitinde namazǵa jınalǵan jamaǵatqa tanystyrylyp, aqsaqaldar tarapynan aq bata berildi.
Óz kezeginde Nurbek qajy Áýeshanuly saıystyń mańyzyna toqtalyp, Ádilhan ımamǵa aqjarma tilegin aıtty.
«QMDB Tóraǵasy, Bas múftı Naýryzbaı qajy Taǵanuly hazirettiń basshylyǵymen ótip jatqan bul saıysqa úlken mán berilip otyr. Bul – ımamnyń tek dinı bilimin ǵana kórsetetin saıys emes. Munda qazaqtyń baı salt-dástúri men ádet-ǵurpy, tereń tarıhy, ulttyq qundylyqtary jáne QMDB bekitken kontseptýaldyq qujattar aıasyndaǵy bilimi de synǵa túsedi. Sondyqtan bul – ımamnyń jan-jaqty bilimin, biliktiligin jáne parasatyn saralaıtyn úlken doda.
Respýblıka boıynsha qatysyp otyrǵan 20 oblys ımamynyń qatarynda bolýdyń ózi – úlken mártebe. Siz elorda atynan qatysyp otyrsyz. Alla Taǵala bilimińizge bereke berip, saıysta abyroı bıiginen kórinýińizdi násip etsin. Sizge sáttilik tileımin!» – dedi bas ımam.
Aıta ketsek, 2026 jyldyń 26 tamyzynda Astana qalasynda Qazaqstan musylmandary dinı basqarmasynyń uıymdastyrýymen «Úzdik ımam» II respýblıkalyq ıntellektýaldy bilim saıysy ótedi.
Respýblıkalyq deńgeıde ekinshi ret uıymdastyrylyp otyrǵan baıqaýǵa elimizdiń iri qalalary men oblystarynan irikteý kezeńinen súrinbeı ótken 20 ımam qatysady. Qatysýshylar dinı bilim deńgeıi, ýaǵyz aıtý sheberligi, jamaǵatpen jumys júrgizý daǵdylary, sondaı-aq din men dástúr sabaqtastyǵyn nasıhattaý baǵyttary boıynsha saıysqa túsedi.
Sýretterdi «FOTOGALEREIa» aıdarynan kóre alasyzdar!
Источник: Aisha
