Qańtar aıynda 7924 dinı suraqqa jaýap berildi
QMDB Sharıǵat jáne pátýa bólimi mamandary, qala jáne oblystardaǵy pátýaǵa jaýapty qyzmetkerler, sondaı-aq respýblıkalyq Sall-ortalyǵy qańtar aıynda halyqtan túsken 7924 dinı suraqqa jaýap berdi.
Atap aıtqanda, jeke kezdesý arqyly – 1397, qońyraý shalý arqyly –1883, áleýmettik jeliler arqyly 4644 suraqqa jaýap berildi. Respýblıkalyq Sall-ortalyǵyna kelip túsken suraqtardyń 50%-y – qulshylyq, 13%-y – saýda-sattyq pen qaryz, 9%-y otbasylyq másele týraly berilgen. Sharıǵat jáne pátýa bóliminde otbasy quqyqyna qatysty 31 másele qaralyp, onyń 27-sine tıisti sheshim shyǵaryldy.
Sonymen qatar múftııattyń saıtynda «Jelatınniń úkimi» atty pátýa jáne «Tık-tok túsirýge bola ma?», «Shahmat, nardy oınaý haram ba?», «Namaz úlgisi kórsetilgen jaınamazben namaz oqýǵa bola ma?» sekildi ózekti máseleler jarııalandy.
Eske sala keteıik, kez kelgen dinı máseleni QMDB-nyń sharıǵat jáne pátýa isine jaýapty mamandarynan, sondaı-aq dinı aqparat ortalyǵynyń (call-center) 8 (7172) 33-30-30 telefon nómirine qońyraý shalý nemese fatua.kz@bk.ru poshtasyna hat joldaý arqyly surap bile alasyzdar.
