Qarılar baıqaýy: Fınaldyq kezeń ótedi
Túrkistan qalasynda ótip jatqan H respýblıkalyq «Quran Kárimdi jatqa jáne mánerlep oqý» baıqaýynyń fınaldyq kezeńi ótkiziledi. Baıqaýdy uıymdastyrý komıteti osyndaı sheshim qabyldady.
Dál qazir Qurannyń 30 parasyn tolyq jattaǵan qarılar arasynda jarys ótýde. Baıqaýdyń bas júldesin ıelengen qarıǵa sheteldik avtokólik beriletinin aıta ketken jón.
Sondaı-aq ózge nomınatsılar boıynsha jeńimpazdar men júldegerler qomaqty qarjylaı syılyqpen marapattalady. Qarılarǵa qoldaý bildirip, baıqaýdyń ótýine demeýshilik jasaǵan jomart jandarǵa Dinı basqarma ujymy alǵys bildiredi.
El Táýelsizdiginiń 30 jyldyǵyna oraı uıymdastyrylǵan baıqaýdy tikeleı Efırde «Munara TV» telearnasynan jáne «Mýftııat QMDB» Youtube arnasy men @muftiyatkz ınstaparaqshasynan onlaın tamashalaı alasyz.
