Qaıyrymdylyq marafony: 9 myńǵa jýyq otbasy qýanyshqa bólendi (FOTO)

15 qańtar 2021 331 0
Оqý rejımi

Búgin elordada QMDB «Zeket» qorynyń uıymdastyrýymen «Qaıyrymdylyq jarshysy» atty respýblıkalyq onlaın marafony ótti.

Onlaın marafonǵa QMDB Tóraǵasy, Bas múftı Naýryzbaı qajy Taǵanuly, naıb múftı Ershat Ońǵarov, «Zeket» korporatıvtik qorynyń dırektory Talǵat Seıitkárimuly jáne QMDB qyzmetkerleri qatysty. Al oblys bas ımamdary onlaın rejımde qatysyp, Bas múftı bastamasymen qolǵa alynǵan qaıyrymdylyq aktsııasyna qatysty daıyndyq jumysy jaıly baıandady.

«Men jýyrda elordada ótken keńeıtilgen Tóralqa májilisinde barsha din qyzmetkerine arnalǵan baǵdarlamalyq baıandamamda 2021 jyly atqarylatyn jumystar boıynsha basty 7 baǵytqa basymdyq beriletinin málimdedim. 7 baǵyt boıynsha júzege asatyn jobalarymyz – aqparat jáne qoǵammen baılanys, ýaǵyz-nasıhat, qaıyrymdylyq, oqý-aǵartý jáne kadrlyq áleýet, rýhanı tárbıe Ihsan ilimi, din men dástúr, jat dinı aǵymdarmen jumys. Jańa 2021 jyldy respýblıkalyq deńgeıdegi ıgi isten bastap, halyqtyń alǵysyna bólensek degen nıetimiz boldy. Mine, búgin elordadan bastaý alǵan qaıyrymdylyq marafony barlyq óńirde bir mezette júzege asty. Osy is-sharaǵa atsalysqan barsha din qyzmetkeri men jomart jandarǵa aıryqsha alǵysymdy jetkizemin. Alla razy bolsyn!» – dedi Bas múftı Naýryzbaı qajy Taǵanuly.

Aıta ketsek, búgin «Qaıyrymdylyq jarshysy» atty respýblıkalyq onlaın marafon aıasynda bir mezette elimiz boıynsha 9 myńǵa jýyq otbasyǵa azyq-túlik sebeti jetkizildi. Al Nur-Sultan qalasy boıynsha 500 otbasyǵa atalǵan kómek kórsetildi. Imamdar men erikti jandar sanıtarlyq talaptardy saqtaı otyryp, azyq-túlik sebetin kómekke muqtaj jannyń úıine jetkizip berdi.

Pіkіrler Kіrý