QAZAQSTAN MEN QYRǴYZSTAN HALAL SALASYNDAǴY YNTYMAQTASTYQTY NYǴAITTY

Búgin Qazaqstan musylmandary dinı basqarmasy jáne Qyrǵyzstan musylmandary dinı basqarmasy ortasyndaǵy halal ındýstrııasy boıynsha yntymaqtastyq týraly memorandýmǵa qol qoıyldy.

Qujatqa «Halal Damý» dırektory Aıbek Atashev pen Qyrǵyzstan musylmandary dinı basqarmasynyń «Halal» bóliminiń meńgerýshisi Maksat Atabaev qol qoıdy.

Memorandým aıasynda taraptar halal standarttaryn damytý, tájirıbe almasý, mamandardyń biliktiligin arttyrý jáne halal sertıfıkattaryn ózara taný baǵytynda birlesip jumys júrgizýge kelisti.

Atalǵan kelisim eki el arasyndaǵy kásibı baılanysty nyǵaıtyp, halal ındýstrııasynyń damýyna jańa serpin beredi dep kútilýde.

​