QAZAQSTAN MEN QYRǴYZSTAN MUSYLMANDARY DINI BASQARMALARY HALAL SALASYNDAǴY YNTYMAQTASTYQTY TALQYLADY

Qazaqstan musylmandary dinı basqarmasy tóraǵasynyń orynbasary, naıb múftı Ermek Qasbolatulynyń tóraǵalyǵymen QMDB-nyń «Halal Damý» mekemesi mamandary men Qyrǵyzstan musylmandary dinı basqarmasynyń halal baǵytyna jaýapty ókilderiniń kezdesýi ótti.

Jıyn barysynda eki eldegi halal standarttaryn jetildirý, sertıfıkattaý júıesin damytý, óndiris oryndarynda júrgiziletin baqylaý-tekserý jumystaryn kúsheıtý, sondaı-aq halal ónimderdiń sapasy men senimdiligin arttyrý máseleleri talqylandy.

Qos tarap halal ındýstrııasyndaǵy zamanaýı úrdister men halyqaralyq tájirıbe boıynsha pikir almasyp, aldaǵy ýaqytta birlesken jobalardy júzege asyrý, ózara aqparat almasý jáne seriktestikti nyǵaıtý jóninde kelisimge keldi.

Kezdesý sońynda qatysýshylar halal salasyndaǵy yntymaqtastyqty odan ári damytýǵa jáne birlesken jumystardy jańa deńgeıge kóterýge daıyn ekendikterin tilge tıek etti.

​