Qajylyq-2019 maýsymyn qorytyndylaǵan alqaly jıyn ótti (FOTO)

Búgin Nur-Sultan qalasyndaǵy QMDB Bas ǵımaratynda Qajylyq-2019 maýsymyn qorytyndylaýǵa arnalǵan jıyn ótti. Oǵan QMDB tóraǵasy, Bas múftı Serikbaı qajy Oraz, QR Aqparat jáne qoǵamdyq damý vıtse-mınıstri Marat Ázilhanov, Din isteri komıtetiniń tóraǵasy Erjan Núkejanov, bıylǵy qajylyq mıssııasynyń tóraǵasy Alaý Ádilbaev, Apparat basshysy, mıssııa tóraǵasynyń orynbasary Ǵylymbek Májıev qatysty.  

Alǵash sóz alǵan Bas múftı úlken sapardyń ońynan bolǵanyna, atqarylǵan jumystardyń aýqymdylyǵyna toqtala kele, keler jylǵa jasalatyn josparlar legin de atap ótti. Al, vıtse-mınıstr Marat Almasuly óz kezeginde qajylyq kezinde jasalǵan jumystar týrasynda oı-pikirin bildirdi. Onda bıylǵy qajylyq kezinde Qazaqstan qajylyq mıssııasy men kompanııalardyń atqarǵan jumystary baıandalǵan.

Jıyn barysynda mıssııany bastap barǵan Alaý Shaıqymuly men Ǵylymbek Jádigeruly negizgi atqarylǵan jumystarǵa tolyqqandy esep berdi. Odan bólek, 2020 jyly qajylardy aparatyn áýe reısteriniń de jaıy talqylandy. Sondaı-aq, alqaly jıynda keler jyly kompanııalarǵa qoıylatyn talap pen baǵa máselesi de sóz boldy. Jıyn sońynda Bas múftı bıyl paryzyn óteýshilerge medıtsınalyq kómek kórsetken topty Alǵys hatpen marapattap, eńbekterin erekshe atap ótti. Al qajylyqty damytýdyń keler jylǵa arnalǵan otyrysy qazan aıynda ótpek.