QMDB-2020: 11 137 onlaın dáristi 15 678 238 adam tyńdady (FOTO)
Qazaqstan musylmandary dinı basqarmasynyń jumys baǵyttarynyń biri – nasıhat jáne aqparattyq-túsindirý sharalaryn uıymdastyryp, ınternet keńistiginde teris dinı ıdeologııanyń taralýyn aldyn alý.
Qazaqstan musylmandary dinı basqarmasy elde jarııalanǵan tótenshe jaǵdaıǵa baılanysty YouTube pen Instagram platformalarynda, sondaı-aq ózge de áleýmettik jelilerde ımam-ustazdardyń onlaın dárisin ótkizýdi qolǵa aldy. Atalǵan onlaın-dárister áli kúnge deıin jalǵasýda.
2020 jyly atqarylǵan jumys nátıjesine sáıkes, jyl basynan beri respýblıka jáne oblystyq deńgeıde ımam-ustazdardyń 11 137 onlaın dárisi uıymdastyryldy. Osy onlaın dáristi 15 678 238 adam tyńdady.
Aıta ketsek, Qazaqstan musylmandary dinı basqarmasyna qarasty «HıkmetTV» telestýdııasy, respýblıkalyq muftyat.kz saıty, odan bólek 21 óńirlik dinı saıt jumys isteıdi. Onyń ishinde muslim.kz, ummet.kz, ihsan.kz, akmechet.kz, mazhab.kz saıttary eki tilde (qazaqsha, oryssha) aqparat taratady.
