QMDB: Aqpan aıynda 1434 ýaǵyz-nasıhat aıtyldy (FOTO)
Qazirgi tańda elimizde Epıdemııalogııalyq jaǵdaı birtindep turaqtalyp kele jatqanymen, meshitterde aıtylatyn juma ýaǵyzdar, besin jáne aqsham ýaǵyzdary ýaqytsha toqtap tur. Degenmen óńirlerdegi JANT músheleri men meshit ımamdary ýaǵyz-nasıhat jumystaryn áleýmettik jelilerde jan-jaqty júrgizip keledi.
Ár juma saıyn QMDB tóraǵasy, Bas múftı Naýryzbaı qajy Taǵanuly YouTube áleýmettik jelisindegi «Mýftııat QMDB» kanalynda juma nasıhatyn aıtady.
Al QMDB ustazdary, ıslamtanýshy-ǵalymdarynyń YouTube áleýmettik jelisindegi «Hıkmet stýdııasy» kanalynda «Paıǵambarlar tarıhy», «Quran muǵjızalary», «Hadıs taǵylymy», «Islam tarıhy», «Ihsan ilimi», «Iman negizderi», «Otbasy ǵylymhaly», «Islam ádepteri», «Islam ǵıbadaty» sııaqty túrli taqyryptarda ýaǵyz-nasıhattary jarııalanýda.
Instagram áleýmettik jelisinde orys tilindegi RANT músheleri de tikeleı Efırde dinı ýaǵyz-nasıhat jumystaryn júrgizýde. Atap óter bolsaq, Maqsatbek Kaırgalıev «Sharıatskıe osnovy vedenıe bıznesa», Qanat Alshynbaev «Spodvıjnıkı obradovannye raem», Qanat daýylbaev «Etıka Islama», Danııar Kenjalın «Istorııa prorokov» taqyryby boıynsha aptasyna bir márte, dúısenbi-juma kúnderi aralyǵynda keshki saǵat 18:00 de shyǵyp otyrady.
Qazaqstan musylmandary dinı basqarmasyna qarasty óńirlerdegi dinı qyzmetkerler áleýmettik jelilerde osyndaı dinı ýaǵyz-nasıhattar men suhbattardy belsendi túrde júrgizý ústinde.
Jalpy aqpan aıynda Qazaqstan musylmandary dinı basqarmasyna qarasty óńirler boıynsha meshit ımamdary 1434 medıa ýaǵyz-nasıhat júrgizip, 789 578 adam qamtyldy.
