QMDB bólim basshylary sport alańynyń ashylýyna qatysty (FOTO)

Taraz shaharyndaǵy «Hıbatýlla Tarazı» medrese-kolledji janynan sporttyq oıyn alańy ashyldy.

Igi is-sharaǵa QMDB Qajylyq bóliminiń meńgerýshisi Jándillá Bekjigitov pen meshit isteri bóliminiń meńgerýshisi Marat Jappasbaev,  Jambyl oblysynyń bas ımamy Beıbit Myrzageldıev, atalǵan oqý ornynyń dırektory Qanat Jumaǵul men stýdentter qatysty.

Ashylý saltanatynda sóz sóılegen Jandillá Bekjigitov:

«Sporttyń ıslam dininde alar orny erekshe. Paıǵambarymyz (Allanyń oǵan salaýaty men sálem bolsyn) «Kúshti musylman álsiz musylmannan abzalyraq» degen. Sondyqtan múftııat qyzmetkerleri de sportpen shuǵyldanady, ımamdar da sporttyq saıystardy jıi uıymdastyryp turady. Myna oıyn alańynyń ashylǵany jastarǵa da úlken jeńildik, múmkindik bolyp otyr» -  dedi.

Bas ımam Beıbit Álipbekuly shákirtterdi Dinı basqarmanyń bólim basshylarymen tanystyryp ótse, medrese dırektory alystan at artyp kelgen qonaqtarǵa alǵysyn jetkizdi.