QMDB delegatsııasy «Jan daýa» dramasyn tamashalady (FOTO)
Bas múftı Naýryzbaı qajy Taǵanuly Shyǵys Qazaqstan oblysyna jasaǵan sapary barysynda oblystyq drama teatrda «Jan daýa» psıhologııalyq dramasyn tamashalady. Ǵıbratty qoıylymdy QMDB Ǵulamalar keńesiniń músheleri de kórdi.
«Jan daýa» qoıylymy zamana indetine aınalǵan nashaqorlyqqa táýeldilik jaıynda órbıdi. Aırandaı uıyp otyrǵan otbasy balalarynyń úgitteýimen qalaǵa kóship, atalǵan indetke tap bolady.
Qoıylymda nashaqorlyqqa táýeldi bolyp qalǵan keıipker dertine daýa izdep, sharq urady. Ata-ananyń balasy úshin janushyrǵan janaıqaıy kórermendi qobaljytpaı qoımaıdy.
«Jan daýa» ultymyzǵa jat nárseden tyıylýǵa, jaman ádetten saqtanýǵa, úlkendi qurmettep, salt-dástúrden attamaýǵa shaqyrady.
