QMDB: Elordada elý otbasy qýanyshqa keneldi (FOTO)
Búgin Qazaqstan musylmandary dinı basqarmasynyń «Zeket» korporatıvtik qaıyrymdylyq qorynyń uıytqy bolýymen Elordadaǵy 50 otbasyna qasıetti ramazan aıynyń syılyǵy úlestirildi.
Júrekke jylýlyq pen qýanysh syılaǵan sharaǵa naıb múftı Baýyrjan Esmahan, QMDB Apparat basshysy Ǵylymbek Májıev, «Zeket» qorynyń dırektory Talǵat Omarovtar qatysty.
Igi is-sharada sóz alǵan Bas múftı Serikbaı qajy Oraz: «Barshańyzdy ramazan aıymen quttyqtaımyn. Ramazan – baýyrmashyldyq, jaqsylyq aıy. Bizdiń maqsatymyz – qasıetti aıda ár otbasyn qýanysh pen shattyqqa bóleý. Alla Taǵala siz ben bizdiń qýanyshymyzdy arttyryp, óziniń meıirim-shapaǵatyna bólegeı», – dep atap ótti.
«Zeket» qorynyń dırektory Talǵat Omarovtyń málimdeýinshe, turǵyndarǵa berilgen syılyqtar ishinde kúndelikti turmysqa qajetti aýqymdy túrli azyq-túlikter bar. Qajetti azyq-túlikter din qyzmetkerleriniń pitir sadaqasy esebinen alyndy. Mundaı shara turaqty túrde júzege asa bermek.
