QMDB EXPO-2026: «BIZNES JÁNE ISLAM QUNDYLYQTARY» KONFERENTsIIaSY ÓTTI

Almaty qalasynda ótip jatqan QMDB EXPO-2026 kórmesiniń ekinshi kúni Nur-Múbarak Egıpet ıslam mádenıeti ýnıversıtetinde «Bıznes jáne ıslam qundylyqtary» taqyrybyndaǵy konferentsııamen jalǵasty.

Islam qarjysy, halal ındýstrııasy jáne kásipkerliktiń áleýmettik jaýapkershiligi máselelerine arnalǵan basqosýǵa sala mamandary, sarapshylar men kásipkerler qatysty.

Konferentsııanyń ashylýynda Bas múftı keńesshisi Smaıyl Súıerqululy sóz sóılep, Bas múftı Naýryzbaı qajy Taǵanulynyń forým qatysýshylaryna joldaǵan sálemi men izgi tilegin jetkizdi.

Jıynda Islam qarjysy jáne bıznes qaýymdastyǵynyń CEO-sy Mádına Tuqulova ıslam qarjysynyń negizgi qaǵıdattary, ınvestıtsııalyq platformalar men jańa múmkindikter týraly baıandama jasady.

«Halal Damý» dırektory Aıbek Asqarbekuly halal standarttarynyń bızneske degen senimdi nyǵaıtýdaǵy jáne kásiporyndardyń básekege qabilettiligin arttyrýdaǵy mańyzyna toqtaldy.

QMDB Islam qarjysy sektorynyń meńgerýshisi Nurjan Jaqsylyquly Qazaqstandaǵy qoljetimdi ıslamdyq qarjylandyrý quraldaryn tanystyryp, olardy tájirıbede qoldaný múmkindikteri jóninde baıandady.

Al «Zeket jáne qaıyrymdylyq» qorynyń dırektory Maqsatbek Qaıyrǵalıev sharıǵat aıasyndaǵy bıznestiń áleýmettik jaýapkershiligi, zeket pen qaıyrymdylyq mádenıetiniń qoǵam ómirindegi orny týraly oı bólisti.

Koferentsııa barysynda qatysýshylar ıslam qundylyqtary men zamanaýı kásipkerlikti ushtastyrý, adal bıznesti damytý, ıslamdyq qarjylandyrý múmkindikterin keńeıtý baǵytynda pikir almasty.

Is-shara sońynda kásipkerler men sala ókilderi arasynda ózara áriptestik ornatýǵa baǵyttalǵan B2B kezdesýler ótti.