QMDB is basqarýshysy taǵaıyndaldy (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń buıryǵymen Is basqarýshy qyzmetine Qanat Dáýrenbekov taǵaıyndaldy.
«Dáýrenbekov Qanat Turpanuly Qaraǵandy oblystyq ortalyq meshitiniń Is basqarýshysy qyzmetinen bosatylyp, Qazaqstan musylmandary dinı basqarmasyna Is basqarýshy bolyp taǵaıyndalsyn» delingen Bas múftı buıryǵynda.
QMDB Tóraǵasy Naýryzbaı qajy Taǵanuly kezekti Apparat jınalysynda Qanat Turpanulyn ujymǵa tanystyryp, jańa jumysyna sáttilik tiledi. Bas múftı osyǵan deıin QMDB Is basqarýshysy qyzmetin atqarǵan Erbosyn Orynǵa ıgi tilegi men jyly lebizin jetkizdi.
«Siz sonaý táýelsizdik alǵan jyldardan bastap, ıaǵnı tuńǵysh Bas múftıimiz Rátbek qajy Nysanbaıuly hazirettiń múftıligi kezeńinen asyl dinimizge qyzmet etip kelesiz. QMDB-nyń Ortalyq Apparatynda ózińizge júktelgen mindetti tııanaqty oryndap, kóptegen ıgi jobalardy júzege asyrdyńyz. Shynaıy yqylaspen jasaǵan jumystaryńyzdyń saýaby eselenip jazylǵaı. Ózimniń jáne Qazaqstan musylmandary dinı basqarmasy ujymy atynan Sizge aıryqsha alǵysym men rııasyz rızashylyǵymdy bildiremin. Alla razy bolsyn! Alla Taǵala denińizge saýlyq, otbasyńyzǵa amandyq, Shymkent qalasynda jalǵastyratyn ımamdyq qyzmetińizge bereke násip etsin!» dedi Naýryzbaı qajy Taǵanuly.
