QMDB: Malaızııamen áriptestik baılanys bekı túspek (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasynyń astanasy Kaır qalasynda ótip jatqan «Dinder men mádenıetter arasyndaǵy dıalog» atty halyqaralyq konferentsııa aıasynda Malaızııanyń aımaqtyq múftıi Luqman qajy Abdýllamen kezdesti.
Kezdesýde halal standarttaý salasy boıynsha ekijaqty yntymaqtastyqty arttyrý máselesi talqylandy. Taraptar halal ónimderdi standarttaý boıynsha tájirıbe almasýǵa, osy baǵytta kadr daıarlaýǵa ýaǵdalasty.
Aıta ketsek, ónimderdi halal standarttaý jáne sertıfıkattaýmen aınalysatyn Qazaqstan musylmandary dinı basqarmasy janyndaǵy «Halal Damý» ortalyǵy Malaızııanyń Islamdy damytý departamenti (JAKIM) uıymynan akkredıtteýden ótken bolatyn. Nátıjesinde quramyna álemniń 43 alpaýyt memleketi kiretin halal sertıfıkattaýmen aınalysatyn 75 mekemeniń tizimine endi.
