QMDB «Oraza aıt – ulyq mereke» onlaın baǵdarlamasyn usynady
Kúlli musylman qaýymdy saǵyndyryp jetken Ramazan aıynyń da aıaqtalýyna az qaldy. Erteń, 13 mamyr – Oraza aıt meıramy.
Byltyr pandemııa jaǵdaıynyń kúsheıýine baılanysty aıt namazynyń oqylmaǵany belgili. Sońǵy bir jylda dinı is-sharalardyń burynǵydaı atqarylýyna shekteý boldy. Al bıylǵy oraza aıt meıramyn qalaı atap ótemiz? Osy jáne aıtqa qatysty ózge de suraqtarǵa Dinı basqarma usynatyn «Oraza aıt – ulyq mereke» onlaın baǵdarlamasynda jaýap beriledi.
Búgin múftııattyń YouTube kanaly men Instagram paraqshasynda saǵat 19:00-de ótetin tikeleı Efırge QMDB Tóraǵasy, Bas múftı Naýryzbaı qajy Taǵanuly, bólim basshylary Smaıyl Seıtbekov, Batyrjan Berdenuly men Marat Dálelhanuly, «Zeket jáne qaıyrymdylyq» qorynyń dırektory Talǵat Omarov, sondaı-aq Sharıǵat jáne pátýa bóliminiń mamany Baýyrjan Ábdýáli qatysady. Din mamandary oraza aıt meıramy, aıt namazy jáne sháýýál aıyndaǵy nápil oraza men qaza orazalarǵa qatysty kóptegen suraqtarǵa jaýap beredi.
Oraza aıtqa arnalǵan baǵdarlama bir aı boıy keshki saǵat 19:00-de telejýrnalıst Erkin Shákiruly júrgizgen «30 kúnniń berekesi» onlaın jobasyn qorytyndylamaq. Erekshe atap ótetin jaıt, atalmysh baǵdarlamanyń 29 shyǵarylymyna QMDB bólim basshylary, din mamandary men ımam-ustazdar qatysyp, tikeleı Efırde uzyn sany 565 saýalǵa jaýap berildi.
Sondaı-aq, «Munara» gazetiniń bas redaktory Serikbol Hasannyń @muftiyatkz ınstaparaqshasynda 30 kún ótkizgen «Ramazan – raqym aıy» onlaın suhbatyna 19 ókildiktiń bas ımamy men 11 RANT múshesi qatysyp, taǵylymdy áńgime órbitti jáne 400-den asa suraqqa jaýap berildi.
