QMDB Ortalyq apparat jınalysynda 33 másele qaraldy (FOTO)

Bas múftı Serikbaı qajy Orazdyń tóraǵalyǵymen ótken Qazaqstan musylmandary dinı basqarmasy Ortalyq apparat jınalysynda 33 másele qaralyp, kún tártibindegi jumystar jan-jaqty pysyqtalyp, talqylandy.

Atap aıtqanda, jınalystyń kún tártibinde ımamdardyń biliktiligin arttyrý jáne ýnıversıtet, medreseler stýdentteri arasynda ýaǵyz boıynsha saıystar uıymdastyrý, ımamdarǵa ýaǵyz aıtý boıynsha ádistemelik-qural daıyndaý, QMDB tarapynan jaryqqa shyqqan kitaptar men ádebıetterdiń aýdıo nusqasyn ázirlep, respýblıkalyq jáne oblystyq kitaphanalardyń katalogyna engizý, QMDB-nyń atqaryp jatqan jumystaryn halyqqa keńirek nasıhattaý maqsatynda respýblıkalyq tele-radıolar men basylymdarǵa birlesken jobalar ázirleý, otandyq telearnalardan, radıolardan «Din jáne memleket», «Múftııat minberi» atty baǵdarlamalar ashyp, atalǵan habardy júrgizý jumysy QMDB quqyǵyna tolyqtaı berý, qajylylarǵa arnalǵan kitaptar shyǵarý, ýnıversıtet pen medrese shákirtterin qyzmetke ornalastyrý, t.b. máseleler qaraldy.

Bas múftı Serikbaı qajy Oraz jınalystyń qorytyndy bóliminde QMDB qyzmetkerlerine naqty tapsyrmalar berdi.

Kezekti jınalysqa QMDB tóraǵasynyń Birinshi orynbasary, respýblıkalyq «Áziret Sultan» meshtiniń Bas ımamy Naýryzbaı qajy Taǵanuly, QMDB tóraǵa orynbasary Baýyrjan qajy Ábdirashuly, QMDB Apparat basshysy Ǵylymbek Májıev, bólim meńgerýshileri men mamandar qatysty.