QMDB qyzmetkerleri Táýelsizdik kúni qarsańynda arnaıy duǵa jasady (FOTO)
Búgin Bas múftı Naýryzbaı qajy Taǵanuly bastaǵan Qazaqstan musylmandary dinı basqarmasy qyzmetkerleri Táýelsizdik kúni qarsańynda arnaıy duǵa jasady.
Bas múftı duǵa jasaý rásimin QMDB Sharıǵat jáne pátýa bóliminiń meńgerýshisi Sansyzbaı qajy Qurbanulyna usyndy.
Basqosýda QMDB qyzmetkerleri: «Ýa, Alla Taǵala! Sen Danasyń, Meıirimdisiń! Bizdiń halqymyzdy meıirimińe bóleı gór. Otanymyzǵa berekeńdi ornat, jaqsylyǵyńdy jaýdyr! Táýelsizdigimizdi nyǵaıtý jolynda elimizdiń erteńi úshin eńbek etip júrgen azamattarǵa kúsh-qýat bergeısiń. Halqymyzdy indetten saqta. Bizge jáne urpaǵymyzǵa táýelsiz elde ómir súrýdi, eki dúnıe nyǵmeti men bereketine bólenýdi násip etkeısiń. Elimizdi aman, jurtymyzdy tynysh, táýelsizdigimiz baıandy ete gór», – dep duǵa jasady.
