QMDB: «Táýelsizdik jáne Islam» respýblıkalyq onlaın konferentsııasy ótti (VIDEO+FOTO)
Almaty qalasyndaǵy Ulttyq kitaphanada Qazaqstan musylmandary dinı basqarmasynyń uıymdastyrýymen Táýelsizdiktiń 30 jyldyq mereıtoıyna arnalǵan «Táýelsizdik jáne Islam» respýblıkalyq ǵylymı-tájirıbelik onlaın konferentsııasy ótti.
Konferentsııa Almaty qalasynyń bas ımamy Erkinbek qarı Shoqaıdyń Quran oqýymen bastalsa, Bas múftı Naýryzbaı qajy Taǵanuly duǵa jasady.
Kezdesýdi ashqan QMDB Tóraǵasy sharaǵa qatysýshy zııaly qaýym ókilderi men ǵalymdarǵa alǵys aıtyp, Allanyń halqymyzǵa násip etken eń uly nyǵmeti – Táýelsizdik pen ıslam qundylyqtary týraly baıandama jasady.
Sodan keıin Almaty qalasy Din isteri basqarmasynyń basshysy Nurlan Kıkımov quttyqtaý sózin aıtty. Kezekpen sóz alǵan Murat Jurynov, Mámbet Qoıgeldıev, Ahan Bıjanov, Smaǵul Elýbaı, Qul-Kerim Elemes, Baqytjan Satershınov, Shamshádın Kerim Táýelsizdik jáne Islam qundylyqtary, rýhanı jańǵyrý men jastar tárbıesi, Táýelsiz Qazaqstandaǵy ıslamı bilim júıesiniń qalyptasýy, saıası qýǵyn-súrginge ushyraǵan din ókilderin anyqtaý men aqtaý jáne ózge de ózekti máselelerdi talqylap, baıandama oqydy.
Onlaın sońynda QMDB qyzmetin damytý baǵytynda birqatar pikirler aıtyldy. Naýryzbaı qajy Taǵanuly aıtylǵan usynystar jumys josparyna engiziletinin jetkizdi.
Eske salsaq, juqpaly indettiń aldyn alý jáne karantındik talaptardy saqtaý maqsatynda konferentsııa onlaın rejımde ótti.
