QMDB tóraǵasy 465-úıdiń kiltin jas ımamǵa tabystady (FOTO)
Bas múftı Naýryzbaı qajy Taǵanuly Soltústik Qazaqstan oblysyna jasaǵan jumys sapary kezinde Maǵjan Jumabaev aýdany Noǵaıbaı aýylynda jańadan salynǵan baspana kiltin jas ımam Elnur Nurmahanǵa tabystady.
«Dinı basqarma aýylda aıanbaı eńbek etip jatqan jas ımamdardy áleýmettik turǵydan barynsha qoldap keledi. Allaǵa shúkir, din janashyrlary bizdiń bastamamyzǵa jan-jaqty qoldaý kórsetýde. Aýyl ımamy alańsyz qyzmet etsin degen nıetpen baspana áperýge kómektesken demeýshi azamattarǵa aıryqsha alǵysymdy bildiremin. Alla razy bolsyn!» dedi Naýryzbaı qajy Taǵanuly.
Aıta ketsek, Qazaqstan musylmandary dinı basqarmasyna qarasty «Zeket jáne qaıyrymdylyq» qorynyń uıytqy bolýymen berilgen 465-páter aýyl ımamyna buıyrdy.
