QMDB tóraǵasy 8D formatta jasalǵan murajaı jumysymen tanysty (FOTO)
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Túrkistan oblysyna jasaǵan saparynda «Kerýen saraı» týrıstik kesheniniń 8D formatta jasalǵan teatr-murajaıynda bolyp, qazirgi tehnologııa kómegimen salynǵan qazaq tarıhyna saıahat jasaıtyn murajaı jumysymen tanysty.
Aıta ketsek, «Kerýen saraı» týrıstik kesheni – Túrkistanda salynǵan iri nysannyń biri. Aýmaǵy 188 gektar jerdi alyp jatqan erekshe qalashyqtyń ishinde jańa tehnologııanyń kómegimen 8 D formatta jasalǵan halqymyzdyń tarıhyna áserli saıahat jasaıtyn teatr-murajaı bar. Murajaı qyzmetkerleri Bas múftı bastaǵan Qazaqstan musylmandary dinı basqarmasy delegatsııasyna halqymyzdyń tarıhynan syr shertetin jádigerlermen tanystyrdy.
Qazaqstan musylmandary dinı basqarmasynyń «Darhan Dala» jobasyn qoldaý maqsatynda barǵan bir top din qyzmetkeri tarıhı murajaıdy aralap, qundy málimetter aldy.
