QMDB tóraǵasy Almatyda din men dástúrdi dáriptedi (FOTO)
Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Almaty qalasyna jasaǵan jumys saparynda ortalyq meshitte «Din men dástúr sabaqtastyǵy» atty is-sharaǵa qatysty.
Jas jubaılardyń nekesin qıǵan Bas múftı Islamdaǵy otbasy qundylyǵy, er men áıeldiń mindetteri týraly nasıhat aıtyp, batasyn berdi. Odan keıin kishkentaı búldirshinniń tusaýyn kesip, azan shaqyryp, sábıdiń esimin qoıdy. Qaz-qaz qadam basqan balanyń bolashaǵy úshin duǵa jasap, eki ómirde baqytty bolýyn tiledi.
«Din men dástúr sabaqtastyǵyn dáripteý – bizdiń jeti baǵyt boıynsha bekitken jumystarymyzdyń biri. Imamdarymyz din men dástúrdi qoǵamǵa kóbirek nasıhattaýǵa kúsh salý kerek. Óıtkeni, bizdiń dinimiz ben ádet-ǵurpymyz izgilik pen ıgilikke úndeıdi» dep atap ótti Naýryzbaı qajy Taǵanuly.
