QMDB tóraǵasy aqsaqaldar forýmyna qatysty (FOTO)
Búgin Bas múftı Naýryzbaı qajy Taǵanuly Óskemen qalasynda D.Serikbaev atyndaǵy Shyǵys Qazaqstan tehnıkalyq ýnıversıtetinde ótken Aqsaqaldar forýmyna qatysty.
Forýmda Bas múftı Naýryzbaı qajy Taǵanuly: «Árbir ulttyń ózindik bolmysy, tabıǵı sıpaty bolady. Qazaq halqynyń el bıleý dástúrindegi qalyń buqara men bıliktiń arasynda kópir qyzmetin atqarǵan ınstıtýt Aqsaqaldar keńesi boldy. Sizder el men jerdiń, qoǵam men otbasynyń berekesin arttyrǵan qazynasyzdar. Ózderińiz jaqsy bilesizder, biz ımamdar forýmynda as berý, zırat kóterý mádenıeti jaıly qujat qabyldadyq. Osy qujattardy halyqqa nasıhattap, júzege asyrýda sizderdiń úlesterińiz kóp. Alla sizderge kúsh-qýat bersin!» dedi.
Oblystyq Aqsaqaldar keńesiniń músheleri, zııaly qaýym ókilderi qatysqan forýmda el ıgiligi úshin duǵa jasaldy. Aıta ketsek, osymen Óskemen qalasynda Aqsaqaldar forýmy besinshi ret ótti. Buǵan deıingi forýmda túrli taqyryptar talqylanyp, birneshe qujattar qabyldanǵan.
