QMDB tóraǵasy Atyraýda qaıyrymdylyq ortalyǵyn ashty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna barǵan saparynda «Imanǵalı» meshiti janynan qaıyrymdylyq ortalyǵyn ashty.
Ortalyqtyń ashylý rásiminde Atyraý oblysynyń bas ımamy Altynbek Utyshanuly Bas múftıge jyl basynan beri aımaqta 12 qaıyrymdylyq aktsııasy ótkenin atap ótti.
Naýryzbaı qajy Taǵanuly Qazaqstan musylmandary dinı basqarmasynyń jeti jumys baǵytynyń biri – qaıyrymdylyq is-sharalaryn joǵary deńgeıde ótkizýdi tapsyrdy.
Aıta ketsek, qaıyrymdylyq ortalyǵy meshitke tapsyrylǵan kıim-keshekterdi, turmysqa qajetti zattardy qabyldap, suryptap muqtaj otbasylarǵa taratý isimen aınalysady.
Bas múftı Naýryzbaı qajy Taǵanuly qaıyrymdylyq ortalyǵynyń ashylý rásiminen keıin «Imanǵalı» meshitinde áleýmettik jaǵdaıy tómen 16 otbasyǵa kıim-keshek syılady.
