QMDB tóraǵasy Atyraýda úsh úıdiń kiltin tabystady (FOTO)
Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Atyraý oblysyna jasaǵan saparynda úsh otbasyǵa úsh úıdiń kiltin tabystady.
Bul jolǵy baspana dinı salada belsendi qyzmet etip, nátıjeli jumys istep júrgen jas din qyzmetkerlerine buıyrdy.
Saltanatty ıgi is-sharada Bas múftı Naýryzbaı qajy Taǵanuly: «Dinı basqarma jas ustazdar men ımamdarǵa óz múmkindigi aıasynda barynsha qoldaý kórsetip keledi. Jaratýshy Jabbar Iemiz jańa úılerińizge jaqsylyǵyn jaýdyrsyn. Sizderdi dinı salada belsendi qyzmet etýge shaqyramyn. Alla osy shańyraqtyń ishin janǵa, syrtyn malǵa toltyrǵaı. Ámın», – dedi.
Aıta ketsek, «El úlesi – páterge» jobasy aıasynda berilgen 453, 454, 455-baspana kilti jas ustazdar men ımamdarǵa tabystataldy.
