QMDB tóraǵasy Atyraýda jumys tobynyń qorytyndy jıynyn ótkizdi (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna arnaıy saparmen barǵan jumys tobynyń qorytyndy jıynyn ótkizdi. Jıynǵa respýblıkalyq aqparattyq nasıhat tobynyń músheleri qatysty.
«Qurmetti áriptester! Allaǵa shúkir, Atyraý oblysyna jasaǵan is-saparymyz jemisti boldy. Imamdarǵa dinı máseleler boıynsha dáris berdik. Jumys toby bir kúnde myńnan astam adamǵa nasıhat aıtyp, suraqtaryna jaýap berdi. Baspasóz máslıhatyn ótkizip, jýrnalısterdi tolǵandyrǵan suraqtarǵa jaýap berdik. Jeke kezdesýlerdiń nátıjesinde birneshe azamatty dástúrli emes dinı aǵymnyń yqpalynan arashalap aldyq. Olar siz ben bizge alǵysyn jaýdyrýda. Josparǵa sáıkes yjdahatty túrde jumys istegen sizderge óz atymnan aıryqsha alǵysymdy bildiremin. Alla razy bolsyn!» dedi Naýryzbaı qajy Taǵanuly.
Kezdesý sońynda Bas múftı RANT múshelerine naqty tapsyrmalar berip, jeke yqpal etý is-sharalaryn júıeli túrde júzege asyrý qajettigin jetkizdi.
