QMDB tóraǵasy atyraýlyq din janashyrlaryn marapattady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Atyraý oblysyna jasaǵan sapary aıasynda «Imanǵalı» meshiti janynan ashylǵan Qaıyrymdy kásipkerler alqasyna qatysyp, din janashyrlaryn alǵys hatpen marapattady.
«Musylman balasynyń atqaratyn árbir isinde bereke men saýap bar. Sol saýapty isterdiń biri – ózgege járdem etý, tileýles bolý. Bireýge járdem berý, ózgeniń qamyn oılap, jaqsylyq jasaý – qoǵamdaǵy ómir súrýdiń alǵysharttarynyń biri. Óıtkeni adam balasy bir-birine járdemdesý arqyly ómir súredi. Bizdiń babalarymyz da urpaqtaryn árdaıym jaqsylyq jasaýǵa, ózgege qol ushyn berip kómektesýge nasıhattap otyrǵan. Aıtalyq, kórshige kómektesý, jetimge qaraılasý, muqtaj bolǵan kisilerge járdem berý, jolda qalǵandarǵa pana bolý sekildi qaıyrymdy ister halqymyzda ómirlik dástúrge aınalǵan. Sondyqtan halqymyz «Qaıyrymdylyq jasasań, qaıyryn óziń kóresiń»,«Ózin ǵana oılaǵan, jamandyqtyń belgisi. Ózgeni de oılaǵan, adamdyqtyń belgisi» dep jaqsylyq jasaýǵa, basqalarǵa kómek berýge shaqyryp otyrǵan.
Sizder árqashan meshitterimizdiń ıgi bastamalaryna qoldaý kórsetip kelesizder. Osy rette ózimniń jáne Qazaqstan musylmandary dinı basqarmasy ujymy atynan aıryqsha alǵys bildiremin. Alla razy bolsyn» dep atap ótti Bas múftı Naýryzbaı qajy Taǵanuly.
