QMDB tóraǵasy belsendi jas ımamnyń otbasyna baspana kiltin tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly «Zeket jáne qaıyrymdylyq» qorynyń «El úlesi – páterge» qaıyrymdylyq jobasy aıasynda 458-páter kiltin belsendi jas ımamǵa tabystady.
Bul jolǵy páter Almaty qalasyndaǵy «Fatıma» meshitiniń naıb ımamy Dáýlen Samatulyna buıyrdy.
Saltanatty jıynda Bas múftı Naýryzbaı qajy Taǵanuly: «Dinı basqarma jas dinı mamandarǵa qoldaý kórsetip keledi. Dáýlen Samatuly – belsendi jas ımamnyń biri. «Jas kelse – iske» degen qanatty sóz bar. Mine, búginde jas ımamdarymyz oblystyq, qalalyq, respýblıkalyq deńgeıdegi izgi is-sharalarǵa uıytqy bolýda. Osyndaı belsendi ımamdarǵa qoldaý kórsetip, olardyń áleýmettik máselesin sheshýge atsalysqan barsha jomart jandarǵa aıryqsha alǵysymdy jetkizemin. Alla razy bolsyn!» – dedi.
