QMDB tóraǵasy Indonezııa elshisin qabyldady (FOTO)

Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Indonezııa Respýblıkasynyń elimizdegi elshisi Rahmat Pramono myrzany qabyldady.

Kezdesýde dıplomat Indonezııa eli úshin Qazaqstan musylmandary dinı basqarmasymen áriptestik baılanys ornatý asa mańyzdy qadam ekenin atap ótti. Basqosýda Bas múftı men elshi dinı aǵartý, halal ónimderdi standarttaý, Qazaqstan jáne Indonezııa Ǵulamalar keńesi arasynda áriptestik yntymaqtastyqty arttyrý, oqý-bilim salalary boıynsha baılanysty nyǵaıtý máselesin talqylady.

Sondaı-aq Naýryzbaı qajy Taǵanuly Dinı basqarmanyń basty jeti baǵyt boıynsha jumysy jaıly baıandap berdi. Kezdesý sońynda taraptar oqý-aǵartý, bilim-ǵylym, halal standarttaý salasy boıynsha ortaq jobalardy júzege asyrýǵa ýaǵdalasty.

Aıta ketsek, Indonezııada 235 mln musylman bar. Halyqtyń 83 paıyzy Islam dinin ustanýshylardyń úlesinde. Atalǵan elde 30-ǵa jýyq Islam ýnıversıteti bar. Onyń 23-i memlekettik ýnıversıtet eken. Elshi Indonezııada Din isteri mınıstrligi ashylǵanyn atap ótti.

​