QMDB TÓRAǴASY KÁSIPKERLERGE ÚNDEÝ JASADY

12 maýsym 2024 407 0
Оqý rejımi

Búgin Astanada Qurban aıt merekesine baılanysty ótken baspasóz máslıhatynda Bas múftı Naýryzbaı qajy Taǵanuly kásipkerlerge úndeý jasady.

«Biz qashan da ózgelerge qaıyrymdylyq jasap, aınalamyzǵa shýaǵymyzdy tógip, úlkenderdiń alǵysy men batasyn alyp, ósip-óngen elmiz. Halqymyzda «Qaıyrymdylyq jasasań – qaıyryn óziń kóresiń» degen naqyl sóz bar. Paıǵambarymyz Muhammed (oǵan Allanyń salaýaty men sálemi bolsyn): «Kimde kim baýyrynyń qajetin ótese, Alla onyń qajetinde bolady. Kimde kim musylmannyń bir qaıǵysyn seıiltse, Alla onyń qaıǵy-qasiretteriniń birin seıiltedi», – degen.
Osy rette elimizdegi barsha kásipker azamattardy Qurban aıttyń qurmetine mal qunyn qoldan kótermeı, halyqtyń áleýmettik jaǵdaıyn eskerip, ońtaıly baǵa usynýǵa, jurtymyz kúnde tutynatyn azyq-túlikke múmkindiginshe jeńildik jasaýǵa shaqyramyn. Qurban aıtty atap ótýdiń negizgi maqsaty – musylmandar arasynda ózara meıirimdilik, jomarttyq, qaıyrymdylyq, qanaǵat syndy adamgershilik qundylyqtardy qalyptastyrý. Allanyń raqym nury tógiletin berekeli sátterde halqymyzǵa jaqsylyq jasap, kópshiliktiń rızashylyǵyna bóleneıik» dep atap ótti Naýryzbaı qajy Taǵanuly.

Pіkіrler Kіrý