QMDB tóraǵasy kópbalaly 3 otbasyǵa páter kiltin tabystady (FOTO)
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Qyzylorda oblysyna jasaǵan jumys saparynda «El úlesi – páterge» qaıyrymdylyq sharasyna qatysty.
Bas múftı «Zeket jáne qaıyrymdylyq» qory Qyzylorda oblysy boıynsha ókildiginiń uıymdastyrýymen Jalaǵash aýdanynda ótken ıgi sharada 3 kópbalaly januıaǵa 363, 364 jáne 365-shi páter kiltterin, sonymen birge 10 otbasyǵa kıim dúkeninen kıim alýǵa múmkindik beretin 30 000 teńgelik qarjylaı sertıfıkat tabys etti.
Qasıetti Ramazan aıy qarsańynda muqtaj jandardy erekshe qýanyshqa bólegen qaıyrymdy isterdiń júzege asýyna aýdandaǵy jergilikti kásipkerler alqasy demeýshilik kórsetti.
Bıyl Táýelsizdiktiń 30 jyldyǵyna oraı Qazaqstan musylmandary dinı basqarmasynyń bastamasymen 2021 jyly Respýblıka boıynsha 30 kópbalaly muqtaj otbasyǵa baspana syılaý qolǵa alynǵan bolatyn.
