QMDB tóraǵasy kúrdeli jóndeý jasalǵan «Fatıma» meshitin aralady (FOTO)
Bas múftı Naýryzbaı qajy Taǵanuly Almaty qalasy Medeý aýdanynda ornalasqan «Fatıma» meshitin aralap, qulshylyq úıinde júzege asqan ıgi is-sharalarmen tanysty.
Bir mezette 500-den astam adam namaz oqı alatyn Alla úıiniń aýlasy men meshit ǵımaraty tolyq kúrdeli jóndeýden ótken.
Aıta ketsek, Qazaqstan musylmandary dinı basqarmasy 30 jyldyq mereıtoı aıasynda birqatar ıgi is-sharalar josparyn bekitken bolatyn. Solardyń qatarynda kúrdeli jóndeý jumysyn qajet etetin meshitterdi qaıta qalpyna keltirý jospary bolǵan. Naýryzbaı qajy Taǵanuly «Fatıma» meshitinde kúrdeli jóndeý jumystaryn júrgizýge jáne meshit aýlasynan qosymsha ǵımarat salýǵa úles qosqan azamattarǵa aıryqsha alǵysyn jetkizdi.
