QMDB tóraǵasy medıtsına qyzmetkerlerimen kezdesti (FOTO)

23 qazan 2020 268 0
Оqý rejımi

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Taldyqorǵan qalasyna sapary barysynda jańadan ashylǵan oblystyq ınfektsııalyq aýrýhananyń medıtsına qyzmetkerlerimen kezdesti.

Bas múftı ózine júktelgen jaýapkershilikti janyna serik etip, indet kezinde taısalmaı qyzmet etkeni úshin aq halatty abzal jandarǵa alǵysyn bildirdi.

– Dárigerlerimizdiń qadirin bıylǵy indet kezinde aıqyn uǵyndyq. Koronavırýspen kúres kezinde kún demeı, tún demeı kezekshilikte bolyp, otbasynan jyraqta júrip qyzmet ettińizder. Naýqastardy qabyldaýdan bastap, olardyń kóńiline qaıaý túsirmeı, barynsha qoldaý bildirýge tyrystyńyzdar. Bir saǵat medıtsınalyq qolǵap kıemiz dep qolymyzdyń terisi kórinip qaldy. Sizder vırýstan saqtaıtyn arnaıy qorǵanysh kıimin de táýlik boıy kıip júrýge májbúr boldyńyzdar. Aýa ótkizbeıtin formamen júrý, kózdiń astyn qajaıtyn medıtsınalyq betperde taǵý, áste ońaı emes. Tipti qyz-kelinshek medbıkelerge ońaı bolǵan joq. Otbasy, úıdegilerge tamaq berý, naýqastyń jaǵdaıyn jasaý. Sizderdiń eńbekterińizdi Prezıdenttiń ózi eskerip, jalaqy men jaǵdaı jasaý qajettigin aıtty.

«Kim jazyqsyz jandy nemese jer júzinde buzaqylyq qylmaǵan bireýdi óltirse, sonda shynaıy túrde barlyq adamdy óltirgenmen teń» delinse, «jáne kim ony tiriltse, barlyq adamdy tiriltkenmen teń» delinedi. Mine Sizder qanshama janǵa Allanyń qalaýymen sebepker bop janyna arasha boldyńyzdar. Alla Sizderge mol densaýlyq, saýapty ǵumyr násip etsin, - dedi Bas múftı.

Budan keıin QMDB tóraǵasy atalmysh aýrýhanaǵa 17 pýlsoksımetr men 1 ottegi kontsentratoryn tabys etti. Sondaı-aq indet kezinde aıanbaı ter tókken medıtsına qyzmetkerlerine alǵys hat pen estelik syılyq tabystady.

Pіkіrler Kіrý